Naala-ala ko pa nuong una kaming magkakilala ng asawa ko maraming taon na ang nakaraan.  Ang Nanay ko ang siyang isang magandang halimbawa ko sa pagiging “kuripot”. Kahit nuon pa ang laging nasa isip ko ay ang makapag ipon ng pera sa lahat ng paraan, kahit ngayon lagi parin akong tumitingin sa mga bargains. Nuong una kaming magkita ng asawa ko ako ang pumili ng hotel kasi gusto kung makamura, pati narin ang lugar kung saan mura ang pagkain, lahat ito ginawa ko para kami ay maka ipon ng pera. Halos lahat na mga Filipina ay ganuon din ang gusto nilang gawin. 

Pero inyong pakatandaan na ang inyong visa papuntang Australia ay walang bargains. Halimbawa kung ikaw ay may sakit at kailangan mong bumili ng gamot. Kung gusto mong maka save ng pera at hindi mo bilhin yung tama mong gamut at  baka hindi ka gumaling. At para sa iyong visa na ito ay kailangan mo para sa  magiging bagong buhay ninyong dalawa, hindi ka dapat maging kuripot! Ang dami diyang mga hindi qualified na mga tao na baka bigyan lang kayo ng sakit ng ulo. OO, baka mas mura sila, pero hindi ito bargain.

Mayruon kaming isang kleyente na tumawag kanina lang sa opisina namin. Ang sabi daw ng kanyang travel agent ay ibinalik na daw ng Embassy ang kanyang mga dokumento dahil  gusto daw ng Embassy ng mga additional information. Hindi ganuon ang Embassy, ang ibig sabihin nagsisinungaling yung travel agent niya. Ang problema ay hindi din niya alam kung pinagsubmit nga talaga nila ang kanyang application. Baka hindi! Sa ngayon hindi niya alam kung may application siya o wala.

Sa ngayon ang Embassy ay napakahigpit laLo na sa mga pekeng dokumento at pekeng pahayag or statements. Mayruon kaming kleyente nuon na yung visa application niya ay puno ng mga kasinungalingan. Sa application niya sinabi na mayruon daw siyang anak kahit wala, o kaya nagsinungaling na may trabaho siya kahit wala. Pag sila ay maglagay ng ganito sa application nila ngayon at mahuli sila, sila ay magkakaruon ng tatlong taon na ban. Walang visa application sa loob ng tatlong taon.

Kaya lagi ninyong piliin ang Registered Migration Agent. At piliin ninyo yung talagang ang ginagawa nila ay sa partner visa lang kasi mas may experience sila  at ito lang ang kanilang ginagawa at sila ay magaling na tumulong at magpayo  sa inyo.

Mila Harvie is the wife and very active business partner of Jeff Harvie, Registered Migration Agent. Together with their son Jeremy Harvie and some dedicated staff they run Down Under Visa, that well-known and very busy Migration Agency in Manila, Philippines. She takes care of the needs of our Filipino clients, especially the Filipina ladies who find it much easier having another Filipina to talk to and to discuss their issues and problems.